UmThandazo wokuvala unyaka wono Taxi base Dikeni
Ngu: Thembela Mjiba
Ibilithuba elihle
nelinqabileyo kumchola choli wendaba ukubona elinye icala lonomashishini be Tekisi
lingelilo eli laziwayo ngabanizi lingaginyisi mathe ncam, ngelixa bebebambe
umthandazo wokuvala unyaka bengono Tekisi base Dikeni. Lomthandazo ububanjelwe
eholweni loluntu apha eDikeni ngomhla we 19 kweyeNkanga inyanga.Lomthandazo
ubuwonganyelwe nguye usihlalo wombutho wono Tekisi i VETA apha eDikeni u Sicelo
Sihluku. Lomsitho uqale ngokuthandazela abaqhubi betekisi baze bakhululwa ke
uyokusebenza kushiyeka osomashishini beqhuba umthandazo.Likwathathiwe nethuba
lokwazisa ngezaziso zombutho apho kwaziswe ngokushiywa lelinye ilungu lombutho
utata uGwadiso , ntoleyo ithande ukuziphazamisa intliziyo zamalungu esihlalweni
,kuba bebejonge ukuvala unyaka nogxa wabo.
Kwakwizaziso
banqinibene osomashishini bebongozana ukuba baxhasane xakucelwe benzenjalo ngumbutho.Obephethe
lomsitho nobebeke ilizwi lemini ibinguye umongameli uLulamile Mseleni. Ilizwi
bekuvalwa ngalo unyaka beliku Marko 3:33.
Apho athetha ngelihlobo" Lumkani musani ukulala, thandazani
ningayeki.Ululamile uthe ukhethe lamazwi ngoba ufuna ukulumkisa azise amalungu
e VETA ukuba u Thixo lo uyabanceda abantu bakhe ngokoke kufanele bengamalungu
ombutho balumke bathandaze bangayeki kuba uThixo uyabamamela abantu bakhe .
Yena engu Lulamile wayengana moto iminyaka
elishumi wacela imithandazo ecaweni kungoku nje unenqwelo mafutha ezimbini.
Ukwakhuthaze ogxa bakhe abangakabinazo inqwelo mafutha baqhubeke
bathandaze.Ahlomlile ke namanye amalungu ombutho wono Tekisi phantsi
kwalamazwi." Sijongwe ngathi asinabulumko singono Tekisi ngabantu ngoba
siqwalasele inzuzo ngaphezu kwento yonke.Ukanti singulombutho singaphumelela
siye phezulu kodwa ukuba asina Thixo sizobonaka sizizidombu". uhlomle
watsho uMachiva Caku nolilungu elongeziweyo kwikomiti wombutho we Tekisi.
Baninzi bahlomle
phatsi kwamazwi abakiweyo kodwa eyonanto bonke bayimisa phambili zinceba
zikaMdali emana ekhusela inqwelo mafuta zaba kunye nabasebenzi ngelixesha
likaxakeka xazihamba imigama emide zigudusa abantu kumakhaya wabo bakwazi
ubafikisa besaphila.Bazingombe isifuba besithi iminyaka iyaqengqheleka ungasoze
uve kusithiwa imoto ekhwelise abantu isuka kwidolophu ezifana neKapa ibhukuqe
nabantu Kungoko beziva bengakwazi ukungambuleli bamcele uThixo ahlale esenza
njalo.Uwavalile ke umfundisi u Bongani Sondlaka webandla le New united
strangers , nokwanguye Nosomashishini we Tekisi. Uwavale ngokucabula
kumzekeliso wentombi ezilishumi apha ezinye saziziyatha ezinye zizinqhondi esithi bengosomashishini
mabafane neziya ntombi zazizinqhondi baphaphe bahlale bethandaza .
No comments:
Post a Comment